| sarah's profileTake care myself!PhotosBlogLists |  Tools  Help |
|
11/7/2006 maybe i can't get A grade this examintation of business~ Today i had taken Business examintation, but i thought i couldn't get A this time! i always make mistake some difinition......my god~~~~i had a little unhappy today,but just a little!!!!
There is about three months i had come to USA!how do i feel this country?i dislike it!a life in here is so so so so so so so so so bored.every i goes to school about two hours(becoz i just have a few course per day! i'm lazy girl,haha......) after finisher my lesson, then i would go home and does my homework~~~~my friends had said this a life of retirment,haha.........
Ice who is the one of my best friends, she said she very missed me,so am i!!!my friends,i also miss you anytime!how long will i come back guangzhou? i' m not make sure of it!becoz,in this monent,i must pay attention to my study, i found everyone's english is better than me, i don't want to be loser,through i don't love studying!!!! in here, you must study very well, if you can't get A grade for each courses,then after two or three years, you can't transfor to the better university~~how difficult is it!!!!!! i miss a joyfuy time in guangzhou,i miss my parents and uncle, aunt~i miss my grandparents and my cousins~hope they be very well and take care of their health, especially my mother and father! i miss my best friends, 左静,阿帆,静雯,钻仪,李静,KELLY,阿欣,肥婆,阿WING and forth. Wing and 肥婆 had got marriage this year,wing's hunsband is from Canada,i think she will go to Canada very soon.i hope they all become more and more beautiful and happyness~~~~~
i want to improve my english skill,so i will write my diary use english, maybe some feeling i can't express in english,becoz englsih is not my first language,so sometimes maybe i cant write anything very clearly.but my professor said if i want to improve english skill,i must keep to practise and practise~~~~~~add oil~~~for everybody~~~i love you~ 10/12/2006 两个好朋友结婚啦,恭喜!恭喜! 知道两个好朋友结婚啦,由心祝福她地幸福,快乐!阿WING呢就快D去加拿大,肥婆呢就连生贵子啦,最重要是要生仔啊,哈哈!!!
虽然身在美国无办法参加两位好朋友既婚礼,好遗憾啊,仲记得以前读书时讲过以后大家结婚都一定要出席彼此既婚礼,估唔到,我一下子就错失两个婚礼,唉!最紧要影多D相比我看啊!我要大家都靓靓既!
边个话而家D人迟婚啊?我两个朋友22岁都未够就将自己嫁出去啦,其实可以稳到自己爱既,又爱自己既人,早婚又何况呢?
来到呢个陌生既国度已经差唔多两个半月啦,讲话未习惯呢就呃人既,但是讲话好习惯呢,又真是唔是!我发觉去到人地既国家,可能旅行就觉得好好,但是来生活就一般般了!好多时都会唔习惯呢度既习俗,入乡随俗,讲就容易,做就难啦!我地始终都是华人,点都是比较难打入老外既生活圈子!除非你是一个十分优秀既华人!
从来都未捻过自己都可以出国读书,因为毕竟屋企唔是D大富大贵既家庭,觉得呢两年来自己遭遇到好多,都变左好多.幸好,遭遇到既都是好事而且是自己意想不到既!比如可以去日本旅行啦,可以入到合富呢见大公司做文秘啦,可以来美国读书啦.......好多好多,当然,好多人系背后帮我,好多人去鼓励我!呢样是我一直心存感激!
7/11/2006 许愿!!! 又放暑假啦,每逢放暑假我就会好头痛,因为,假期太长啦,反而唔知道怎样去安排自己既时间,数住手指甘过日子,况且今年既暑假,太阳比往年晒得特别猛,特别热,搞到一出街,整个人既感觉就像是快要熔甘,油啊,汗啊,总之,能排出体外的我想都快要排出来啦,天啊,怎么会这样啊?真是热得太过分啦!热成这样,试问,又怎么会有心情去街呢?
呢段日子,总是有那么少少的事情不顺心,不如人意,怎么会这样啊?到底,什么时候才有一个结果啊?天啊,别玩我啦,求下你,比个结果我啦!心中有那么一点点事情,总觉得唔舒服,我只是想知道结果,只是想有一个答复咋,难道,太过分了吗?在自己既小小既空间,许下一个小小既愿望,希望事情在7月18号前能有一个答复,神啊,保佑我啊!
心中有太多太多想写了,不过,暂时有些事情唔允许写出来,因为,怕一写出来,愿望就唔可以成真,好小女人啊,好迷信啊,呵呵,什么时候自己变成这样的啊?不过有时候,小小既迷信还是不能不信啊,为左愿望能成真,忍一忍啊!猫猫,如果你在天有灵,求你保佑我啊!I LOVE YOU! 6/3/2006 遗弃 屋企附近有一只流浪狗,应该流浪左都有半年多既时间了,过年果阵时见到它,一只狗甘系条街度好迷茫甘周围行,我捻,它原先既主人应该唔是住系呢度附近,如果唔是既话,狗是可以认路翻去!
呢只狗既主人真是够恨,看呢只狗狗既样,应该都成5岁,母的,一只短毛既狗!冻天看到它就真是够可怜,无野吃,无家可归,一直迷迷茫茫甘周围走,盼望着主人带它回家!或者它自己知道,自己应该被主人永远甘遗弃了,不过,忠心的狗还是对主人有这那么一点点渺小的希望!
我成日都会觉得,人有时还真是不如一条狗!人养宠物很多都是有目的的,有只宠物同自己玩,可以看门口,可以当出气筒......人对宠物好是有目的,但是,宠物对主人好却是无私的!
或者它们只是人类生活中那么一小部分的东西,但是,人类却是这些小动物生命的全部!看过一个故事,有条狗的主人死后,他的狗一直陪在主人的墓碑前面唔肯离开,无论旁人如何叫它,它依然只是陪在主人身边,不吃不喝,终于,这条忠心的狗也随着主人离去!
不要以为,养宠物是那么容易的事,一但你养它,就要明白要对它负责任,要照顾它直到它离开这个世界!人类真是可恶,为什么甘多人都中意去伤害自己身边既人或物呢?难道珍惜一样东西/一个人.真的是那么难的事吗?
老是失去才来后悔,失去才懂得去珍惜,在网上留一大段话,有用吗?人啊,什么时候才不会那么假呢?什么时候对着一只狗才不会面红? 5/27/2006 落雨,心情糟透了! 今日考完三科,心情应该轻松不少,因为终于放低心中2个多月既石头了!不过,心情,真的轻松唔起!依然好似有咩野系心入面甘,赶唔走,放唔低!
寻晚训训下突然间吓醒,原来,打雷啊,好大声,好恐怖啊!打雷,闪电,声音好似向我呢边过紧来甘,吓死我啦!
迷迷糊糊甘又训番,直到6:30分,手机闹钟响了,恩,是时候要面对了!
走去厨房经过厅时,望到猫猫训觉既位时,泪水又忍唔住,好唔争气甘想走出来,唔得,我唔可以喊了,因为今日好重要噶,唔可以比呢种心情影响噶!
出门口时,天阴阴的,觉得有D可怕,我怕,又会打雷!
两日加埋,都训唔够8小时,觉得身体有D透支了,点解会甘?点解呢两日会甘?
考试了,课室气氛好严肃啊,每个人都为今日准备左都唔知几多时间,就为今日,完自己一个梦!听力都OK啦,自我感觉都唔差,希望成绩出来真是如我所愿啦!不过,READING就......唉,总要有挫折既!不过希望都唔会太差啦!WRITING,OK啦,不过不失甘啦,应该都有我心中所想既分数吧,阿宝,求下你要保佑我啊!
考完试,行出来,天落紧好大既雨,我突然间捻,阿宝,系米你系度喊啊?
有个FRIEND打电话比我约我出来吃饭,本来都想去,借此来想扫去心中既唔开心!无奈,天公不作美,雨不断甘落,越落越大,惟有CANCEL个约会!
心情最好既时候,是同男朋友讲电话既时候,因为,他永远知道我既捻法,永远都明白我,我知自己脾气唔好,成日稳他来做出气筒,不过,他都默默忍受落来,唉,我真是唔是一个合格既女友啊!
脑袋时不时都会浮现猫猫寻日吊针时扎入去果阵情形,真是心痛死我啦!你下一世唔好再受呢种苦啦!记得它病到无力既眼神,心,依然忍忍作痛......
男朋友话,送过第二只猫猫比我,等我平复翻先了,我怕,我又会害死一条小生命啊!
唔知呢种痛几时先可以好翻,不过,我唔想甘快就忘记啊,因为,我想用甘样既方式来怀念猫猫,借此来惩罚自己既粗心!
珍惜生命,珍惜身边每一个人，每一样野,呢个道理,我而家真系明得好透彻啊,不过,代价会唔会太大呢? 5/26/2006 阿宝,一路走好! 猫猫,虽然我地仲未决定你个名叫咩时你已经离我地而去,不过,我都是决定叫番你做阿宝,我想话比你知,你是我心中既宝贝!
阿宝,虽然我地只是短短相处过六天的时间,不过,你已经留系我心入面了,就算几年之后,我依然会记得,我曾经拥有过一只好可爱既猫猫!
系2006年既5月26日中午既两点多钟,阿宝你已经行完短短既一生!我甚至未清楚你究竟是男仔定女仔!
记得我是5月19号带你翻屋企,记得见到你果一刹那,我觉得你个样真是太特别啦,一边面是黑色,另一边面是百色,活脱脱就是钟无艳,同妈妈商量左一阵之后,就决定带你翻来,呢个属于你既新家!
同阿宝冲凉好得意噶,由于它大部分既毛都是黑色,而且它对耳朵又大,一湿水就好似只老鼠仔甘,真是好可爱噶!不过,后尾我先知,原来猫仔甘细是唔可以冲凉噶!
阿宝好大吃,仲会同我家只狗狗争野吃,而且,唔是看它猫仔细细,绝对唔会输比只狗狗噶!而且每次吃完饭之后,它都好似唔饱甘,每隔几个字就走去吃,我以为它甘好胃口,就由得它啦,点知,原来一下子猫猫是唔可以吃得太饱噶!
阿宝前日开始唔吃饭,开头以为它吃嫌左而家既粮食,于是叫爸爸买牛奶翻来比它饮,但是,原来猫猫唔可以饮牛奶噶,如果唔是会肚屙!我觉得呢个是它死既最大病因!
寻日开始看到它觉得越来越唔舒服,于是,带它去看兽医,原来,它肚屙既情况已经好严重,而且加上感冒双重,体温比正常要低,只有37℃,情况已经好唔乐观!打左三支针,看见它瘦小既身躯打甘多针,我真是好心痛啊!
寻晚开始,它已经进入生命既倒计时了,它开始训系度,一动都不动,只是偶尔睁大眼睛,看看呢个新家,看看我们!
大概到了10:00钟,妈妈入来我房间同我讲,猫猫可能过唔到今晚了!
我一听,心就难过,马上去看它,可能屙太多了,它开始有脱水既情况出现,只见它不断地用小嘴来舔水,一小口,一小口!我系水里加上葡萄糖,希望对它有帮助,希望可以帮它增加小小体力!夜晚,比猫粮它吃,它无力地闻一闻,已经吃唔落任何食物了!小头轻轻地低着,眼睛半闭,偶尔发出"喵,喵"既声音,已经很微弱了,其实,我知道,它真是可能要离开我了!
我一直希望会有奇迹出现,希望它能康复,整夜我都在祈祷......
大概夜晚两点多既时候,我出来再看下猫猫,发现,它除了轻微既呼吸之外,已经无任何反应了!用手轻轻去抚摩它,它连睁大眼都无力了!我红着眼同妈妈讲,如果它听日都是甘样既话,我决定带它去安乐死,等它不要再甘痛苦落去!
清晨六点,我起来,发觉它起来,不过行路都已经无力了,不肯吃野,只是不断地舔碗里的水!妈妈整晚都无睡好,所以精神不是太好!猫猫早上系厨房屙左臭臭,好过好稀,好似水甘,已经越来越严重啦!我渐渐感到它真是离我越来越远了!
终于九点钟,我起身刷牙洗面,它慢慢行入来,对住我细细声甘叫左叫声,我捻,它是同我讲拜拜啦!它应该是回光返照了!我轻轻甘讲它摆系个袋度,同它讲:"如果你要生存既话,我一定会救翻你噶!"不过我看它个样,应该已经太辛苦了!
去到兽医度,一CHECK,情况比寻日仲要差,体温仲要低,医生话,可以救得番既机会已经是好微了!不过我希望如果可以救既话就尽力救,起码,良心上我会好过D!
它要吊针啊,不过,阿宝只手仔太幼啦,而且脱水,根本就好难稳到血管来扎针!兽医扎左几次先成功,看住阿宝痛到不断甘叫,我个心真是好痛好痛啊!我抱住猫猫,摸住它个头同个身,我发觉,它个身越来越冻,我个心都越来越冻!
吊左半个钟,猫猫就叫足半个钟,而且,吊到只手仔都肿晒啊!再打多三支针之后,猫猫就被放入笼里面休息,不过,打针时它可能已经用尽所有力去挣扎啦,它已经无晒力了!
猫猫对住我叫左几声之后就唔理我了，可能,它系度怪我,让它临死前都要受呢D苦啦!
不过,终于,猫猫都要离我而去了,不过,它走左,我个心反而舒服D,因为,我知道它已经唔洗再受痛苦了!
番到来同男朋友讲电话,他今日陪左我好耐啊,他知我好唔开心,其实他自己都一样唔开心,因为他都好中意阿宝,他同我一样都唔开心!我喊到成个猪头甘啊,喊左成几个钟啊,不过无论点喊,都发泄唔到心中既内疚同难过!男朋友都安慰左我好耐好耐,直到我唔再喊,他先睡觉!但是,喊完之后,舒服D了!
阿宝,虽然你只是同我相处左六日,不过,我同屋企人真是好中意你噶,希望你而家系天堂度可以开心甘做只猫猫!
猫猫,我尽左力噶啦,对唔住啊,我真是尽左力噶啦.......
我唔要你来过呢个世界都无人知,我写上呢度,等有过客看到时,希望他们可以为你祝福!
阿宝,一路走好!
多谢各位关心我既朋友,我让你们费心了!SORRY! 5/23/2006 一公升的眼泪 虽然昨晚已经看过一次,但是,今天晚上,忍不住,还是再看多一次,如电影的题目,看着看着,我都流下了一公升的眼泪!
故事內容簡介
《一公升的眼泪》以七零年代末期的文化重镇名古屋为故事背景，一位十五岁的国三少女木藤亚也，正要展开人生中最灿烂的高中生涯。嘲讽的是，一场她从未预料过的变化改变了她的一生，使她的生命在短短的十年间加速凋零一切，始自于一个罕见的绝症──嵴髓小脑萎缩症。 肢体瘫痪、吞嚥困难、无法言语，都是亚也未来面临的病症。她想写字、想快乐的奔跑、想要谈一场甜蜜的恋爱、想要回报父母的恩情，纵使知道未来的美好蓝图逐渐模煳，亚也仍毅然升入高中继续学业。直到病情益发严重，坐上轮椅的亚也为了不增添家人及朋友的麻烦，最后终于同意转至冈崎养护学校。 「我就要离开东高了。从此以后，身负残疾人这件沉重的行李，一个人继续活下去。这虽然是我做出的决定，但在经歷这个过程之前，我至少要先流过一公升的眼泪。自此之后可能还需要更多更多」亚也如此说。 歌唱、写字、牵手、奔跑、甚至用嘴咀嚼食物、在一般人眼中是多么平凡的行为，但在亚也身上全成为遥不可及的幸福。要忘记健康的自己，要忘记吞嚥食物的滋味，不久，亚也瘫痪在床，丧失她一直努力想维持的行走能力。支持她生存的意义，除了家庭，就是不肯对病魔妥协的强大意志力，以及她对未来生活的微小憧憬。 年来，亚也努力用笔纪录生活中对生命的思维与坚持，她并不怨恨父母给予她的身体、她并不怨恨上天为什么残忍剥夺她生存的权利，她只是一直为自己的身体而奋斗，拖着日渐衰弱的身躯，慢慢朝前方那一道狭窄却存在的生存之门前进，一直到21岁她丧失意识…… 一九八八年五月二十三日，她带着对未来生命的期盼离开25年来曾经属于她的世界，留下令人酸楚的一本本心情记事和鼓励给更多不肯向病魔屈服的人们。「哪怕是多么微不足道的弱小力量，我还是希望能够帮助别人。」亚也的文字里没有华丽夸张的词藻，却能让读者心底强烈感受到无形却是最基本的渴望──「我想活下去」。能够活着原来就是一件最快乐的事。 故事中女主任翁亚也坚强面对疾病的态度令到我深深地感动了,虽然,在患病的时候承受了不少的白眼,困难!亚也也都是微笑地面对人生,我开始问自己,既然别人在如果的困难下都微笑地面对生活,那么,好似我地呢D正常既人,有什么理由不好好地笑对人生呢?
明知自己既病已经无办法痊愈,只能一步一步地恶化,亚也,依然抱着感恩的心活下去!
"朋友是互相的,可是不只是这样.我完全不指望能和朋友拥有一样的未来,虽然和她们走着,会让人心中会充满勇气,可是也会失去自己的空间,对我来说,却没有了选择的权利!"
"第二学期开始,除了学生手册,我还多了一本手册,三级残障者手册!这就像我现在一样,承认残障,由这里出发!这本手册,好像在对我这么说似的!"
"我离开了东高,然后一个人背负着残障者这个重担一个人生活落去.我能够把话说的那么潇洒,是需要一公升的眼泪的,以后也需要更多的眼泪,忍耐吧,我的泪腺!"
"老师和朋友们大家都很健康,虽然很难过,我却无法拉近和他们的差距,不是觉得不幸,只是觉得不方便!我喜欢东高,也喜欢老师,也喜欢裕子和沙织.我很喜欢大家,也喜欢面包店的阿姨,也喜欢幸子学姐!改变的是,局外人变成当事者了,以前以为生了重病所以什么都无办法去做,不过我有了新的想法,只要肯做就能办得到,我不知道,妈妈是这样看我的!山本医生,虽然我很难受很痛苦,却告诉我实情,很谢谢你!我想活下去,我不能动,也无法帮助别人,可是我想活下去!把手放在胸口看看,还听得见心跳的声音,我的心脏在跳动着,真开心,我还活着!"
------------<一公升的眼泪>亚也的日记
每个人都以为发生在自己身上的小痛苦是最大的不幸,好似失恋,失业,失学等等这些小问题,但是,我地有无试过看看别人身上比我们痛苦一百倍的不幸呢?有无捻过这些小小的不幸其实可能真是好微不足道呢?人生漫漫,有什么比生命更加矜贵,更加重要呢?有什么比失去生命更来的严重呢?
用心去爱身边每一个人,感受生命带给我们每一天的精彩,开心与不开心!好想好想话比我个朋友听,失恋其实只是我地人生要经历既其中一段路程,有人会很幸运,一开始已经找对生命中的那个人!但是,也有很多人,并不是那么幸运!但是,无论如何,每个人生存系呢个世界上都是独一无二的,应该珍惜自己,不要去比人伤害!不要告诉自己再不相信爱情,我们还年轻,还可以爱的机会还有很多很多,你遇上的这个人不好,并不代表每个人都不好!回头看看,也许是很开心的一段日子,但再向前看看,前面的路还很长很长!
以乐观的态度面对人生,会容易走很多,因为能够活着就已经是很快乐的事情!学会拥有一颗感恩既心,别以为,现在拥有的所有东西都是理所当然的! 5/17/2006 关于爱
5/14/2006 女人?男人?几多打击几次跌伤懂得坚壮
最怕处事未曾成熟自扮强悍 几多伤口几个重担在我肩膊 连流泪也说这是汗全为要万人看 好想饮泣偏偏今晚尚有工作 倦了多得这空房及半边冷睡床 当初多天真的恋爱事过向往 但嫁衣不再青春亦盼穿得好看 爱是最大寄往难免只得失望 根本不想工作至上做人硬朗 我用岁月去换嫁妆但哪位在乎我 说笑笑匆匆交往试过几趟 被爱都感到饥荒未信天生无情郎 始终很天真想找我命褃主角 为了他处理清汤给我掌心火烫 爱是最容去令女人死心失望 相恋分手拥抱放下例行动作 再尽努力去换嫁妆但我的心已乾 渐渐习惯不要伴侣 然而夜半恶梦扎醒吐著睡 强人活到八十岁庭院怎黱宽敞都要独居 真的不想死撑下去勉强说谎 请准许我软弱到从此拥抱到天光 某某抱抱也是理想越去追越迷茫花也渐忙 我某个朋友同我讲,如果有下辈子既话,她希望做一个男人,我问她点解,她话,做女人太辛苦了,唔单止每个月要经历几日既痛苦和麻烦,生BB就更加是女人最受罪既事情!
不过,我就是另一个POINT,我觉得,做女人真是件幸福既事,点解?男人要有家庭既负担,女人可以无!男人要对女人负责任(当然,而家肯负责任既男人已经买少见少了),但是,女人可以唔用对男人负责任!男人赚钱要养家,女人,赚钱可以买花戴,当女人唔开心既时候可以讲烦恼全部掉给男人,想喊既时候可以借用男人既肩膀......
做女人既好处太多了,所以,如果有得选择既话,我希望,我下一辈子都是女人! 5/11/2006 傻笑工作或用膳 高聲說再見 揮手要大動作點
共你剛分手 整晚難眠 要制止每個呵欠 開朗地露面 誇張我笑臉 即使我挫折不淺 只有專心點 下午快捱完 夜晚再獨個留在戲院 明白我心亂 騷擾到我的好友 若要為你痛哭 在午夜時就夠 至少我失控 還未算醜 若跌倒 對著各位哭訴 有誰人遷就到 原來傻笑最好 遮掩潦倒 夜闌人靜 得我在地牢 便發現我的傷沒有醫好 若跌倒 對著各位哭訴 過來人的預告 結局無人認真想知道 無人關心同情都很好 不過是喊著遲到 無紙巾送到 苦惱或悼念 都總會聽厭 終於會成為污點 祝我輕鬆點 沒有惹閒言 密友慰問仍然未眼淺 明白我心亂 騷擾到我的好友 若要為你痛哭 在半夜時就夠 豁出去的我 無謂獻醜 若跌倒 對著各位哭訴 有誰人遷就到 原來傻笑最好 遮掩潦倒 夜闌人靜 得我在地牢 便發現我的傷沒有醫好 若跌倒對著各位哭訴 過來人的預告 結局無人認真想知道 無人關心同情都很好 不過是喊著遲到 無紙巾送到 妖怪在入面 跟天使作戰 哭跟笑 各有缺點 但我很清楚 工作繁忙 我的不快 請假裝看不到 我呢段时间看左几个感情出现问题既朋友既MSN SPACE,发觉,他\她地既文章真是写得好好啊,点解会甘好既?除左个人感受之外,其他野都写得好好啊~~~~
原来,人,系一出现问题既时候,真是会做出D平时唔会做既野噶,甚至做得好好,好似我个FAN甘(男仔),平时看他傻下傻下甘,看他个BLOG,原来是另外一个人来噶,唔讲我真是唔相信是他写噶,点解可以相差甘大噶??不过我好少看他个BLOG,唔是咩原因,因为,我害怕看失落既野,害怕看到别人唔开心,所以,好少看!
寻日天公不作美,老娘一时大意,忘记带伞,搞到翻到屋企,无论由上到下,由内到外,通通无一幸免,变成一只老老实实既落汤鸡,今日仲要感冒添,好可怜啊~~5555555
今日足足训左差唔多成20个钟,加埋比我平时5日既睡眠时间还要多呢~~~~搞到个人昏昏地~~~~ 5/7/2006 流逝......无可奈何地，眼睁睁看住时间又流逝了一天！
无法挽回地，看着生命又逝去了一日！
人，从一出生开始，就已经注定慢慢走向死亡......
回想过去，其实，开心与失落都只是一种毫不在意的情绪，如果你问我，你曾在哪一天开心过，哪一天伤心过？ＯＨ，忘记了，因为，根本就不必去在意的事嘛！
我，或许是一个懒懒的人，但是，懒懒的不好吗？懒懒地看世界，懒懒地生活，或许，这正是我享受生活的其中一种方式吧！
不知道从何时开始，觉得自己开始长大了，慢慢变得沉默了！
我觉得，人生，根本就应该是一个寻找快乐的过程！
何必让太多烦恼来困扰自己呢？
今天起床，不是自己起的，是电话吵醒，原来是他的电话，真开心，一起来就能听到他的声音，知道大半天又过去了！我跟自己说，嘿，又一天了，我的假期放完了，是时候去做应做的事了！
时间已经不多了，不过，我已经觉得无心机去为这件事努力了，只不过，他一而再，再而三地要求我去做，无法啦，就顺这他意思吧，也好让他可以死心！所以，这段时间，我过得很轻松！
我庆幸在情路上遇上了他，因此，我走少了不少冤枉路！他，让我懂得如何真正地去爱一个，如何真正做到包容同忍耐！
虽然，彼此依然年轻，未来的路还不知道应该怎样去走，但，起码，呢段路的开始我走得很开心！
不管其他人的想法，不理其他人的眼光，因为，ＷＥ ＢＥＬＯＮＧ ＴＯＧＥＴＨＥＲ！
他生日了，祝他生日快乐！ 4/29/2006 妈妈 当我听到阿婆以前对我妈妈既野既时候,我好惊讶,原来呢个世界上还有妈妈是唔爱自己既仔女既!难道妈妈唔是世界上最伟大既人咩?原来也都否定既答案噶!
当你以前对人唔好既时候,那么请你以后唔好有指望对方会对你好!呢样野是无公平可言噶!请你停止对对方既索取,别再旨意对方会待你好,因为既然无缘分既话,所有既野都已经到此为止了!
妈妈,我知道你呢派唔开心,不过,无所谓,只要你开心,你想点做都可以,我唔会怪你!人地点讲米随人地咯,人地要点捻米由他地咯!只要我地一家人开心就已经OK噶啦,是米?
其实我学识一样野,冷眼看世界,真是,呢句话真是帮我自己好多!所有既野都可以捻得通,虽然人地有既野可能我未必有,但我唔会去羡慕人地,也唔会去妒忌,因为,有D野,命里有时终需有,命里无时莫强求!所以,妈妈,你都要看开D!要对自己好D,我已经大个女了,好多野已经唔使你担心,我既野你可以留翻比他来担心了!你只需要对自己好D,其他所有既人都是无关重要噶,明唔明? My space 以为呢个MSN SPACE只是自己写下野,抒发下自己既想法,点知,而家越来越多人看到,朋友就不在话下啦,古唔到连我既亲戚都看到啦!!幸好,我无咩是唔见得人噶姐!
今日好LUCKY,饮野中奖中左罐COCACOLA,抽奖抽到160元既现金卷,加埋买野送既现金卷,计计先,呵呵,一共有成460元啊,呵呵~~真开心~不过都是只可以买翻SPORT CITY入面D SHOP既野~
甘快就五月啦,每日都慢慢甘过去啦~其实讲它慢,一D都唔慢,用一眨眼就过来形容真是一D都不为过!
其实我点会讲自己同他讲既野写上呢度呢?呢度又点可以记录到我同他所讲既每一句话呢?而我真是唔知我几时讲过每个月有一千蚊美金收,真是好可笑!如果是真既,我真是好开心,捻下,每个月有成8000蚊人民币落袋哦,真是发梦都笑醒啊!对于呢D甘好笑既传闻惟有一笑置之,不必去解析任何事,而且也都懒得去解析,太无聊啦!
 4/24/2006 已经越来越近啦！ 日子已经越来越近啦，我真是觉得压力也都越来越大啊，好紧张啊，点解会甘噶！从来都唔知道原来自己是甘怕失败既一个人来噶！捻唔到，已经掉低你两年，以为一世都唔使再去接触你噶啦，点知，原来我地既缘分仲未尽噶！唉，但是，今次我应该点去面对你呢？
不过无论点，我知点都要去解决噶啦，与其系呢度烦，不如真真确确甘去直视你啦！我一定可以噶！傻彬，唔好唔记得你应承我如果我ＯＫ既话你会送个ＬＶ既ＷＡＬＬＥＴ比我噶！我会记得噶！不过其实我中意ＢＵＲＢＵＲＹ多Ｄ哦！呵呵......
4/16/2006 感动......哭了...... TO:诗
咩咩~羊~ 18:52:53
我知道而家大家都懒去再用书信联络了，因为而家科技甘发达，一个电话都可以讲晒啦，是米？ 我看过你新浪既主页了，讲真啊，我其实唔多中意看你写既野，我觉得你写既人好灰，会看到个人都DOWN埋，所以原谅我真是无点样去看过，包括你以前MSN既野！我觉得你唔再似我以前识既你，无左果种开朗同阳光既感觉，次次见到你都觉得你好颓废，好似好多秘密好多心事甘！其实是米真是需要去捻甘多野呢？我明白而家要面对好多野好多人，有时未必是我地愿意去做，但是，生活总会有开心既时候噶嘛！我觉得自从你读大学之后我地真是少左好多联络，或者你觉得有大学既朋友未必再需要初中既朋友。熊猫，我真是好唔中意你为左个女仔，为左段唔知有无结果既感情甘盲目落去。 熊猫，我觉得我同你之间既友情已经越来越远了，如果有一日我地真是已经唔再是好朋友既话，你都不必介怀，因为我/你都只是大家一个阶段陪伴走过既朋友，或者我地以前都太天真了，永远呢个字眼真是太沉重了！ to：诗
羊啊，其实有d野我唔知点讲好，我唔想去解释d咩，我承认我真系冷落咗你，好对唔住！或者讲对唔住已经无用，个心淡咗讲咩都无用。入大学之后真系发生咗好多事，而我的而且确改变咗好多。我知自己以前成日都开开心心，无忧无虑，就好似个傻仔咁幸福咁生活。但而家既我，正如你所讲，可能变到我自己都唔认得。我而家会成日莫名咁烦躁，见到好多唔顺眼既野我心入边会发脾气，好多时亦会无拉拉唔开心。一切一切，变得太快。对于自己既改变，我都唔知点解，可能并唔系我想改变自己，而系环境同时间潜移默化咁改变咗我。你讲得岩，做人始终都要开朗同阳光，我会努力去令自己开心，令自己真心咁笑。相信我，我会调整自己。对于感情，我唔再去谂亦唔会奢望，感情确实会使人盲目，但有自己中意既人始终算系一种幸福。以后点，或者已经唔再重要。毕业之后我大多数会出国，呢度承载住既太多太多，唔到我唔放手。对于你，我冷落咗你，好耐无再写信比你，只系偶尔发下短信讲下电话，我自己都觉得好内疚。但我好清楚，你系我好重要既朋友。我心里面曾经应承过山贼会好好照顾你，当佢唔系度时我要陪你唔使你咁闷，要令你开心，但我无做到，sorry啊！有时同我一齐反而会令你唔开心，唉！我唔敢保证将来我地会变成点，但我了解，我心入边永远有你呢个好朋友。当你发生任何事，我会牺牲自己去为你付出，所有所有，我都会为你而做。你识我咁耐，知我系一个点既人，就算我好少同你联络，但我知你发生咩事既话，我都会马上帮你。因为，你朋友既位置系我心里无人可以代替。
诗，原谅我咁任性同咁唔成熟。如果有日我地真系唔再系好朋友，我真系会好介怀。既然我地一齐走过咁多，以后既路仲会难走咩？信任系我地做好朋友既必要条件，我信你，你信唔信我啊？以前我地太天真，但我依然系我，而家既我都一样咁天真。永远太沉重，咁就唔讲永远呢个字眼，到老死之时，期望我地仲系不离不弃既好朋友啦！
诗，我欠你太多，多谢你！我知你将来一定会好幸福。永远幸福。
帆 帆,好抱歉,我唔知到你以呢种形式来复左我呢段话,所以,拖到今日,差唔多成个月先看到,真是好抱歉!我一路看一路喊啊,喊是因为怪自己唔去信任你,是因为有你呢个好朋友而感动! 我记得初中毕业之后,我本同学录最多人写既一句话就是:"你要坚强D,唔好再成日喊啦!"虽然我已经学习紧坚强,但是,某些时候,泪水依然唔争气甘流落来! 好多谢你呢番说话,如果唔是我会一直为我地失去既友谊而唔开心!帆,我唔知讲咩好,其实,我话你既同时我捻我都是冷落紧你,人人都话,男女之间是无纯洁既友谊,但是,我知道,呢种奇迹发生紧系我地之间,你同我已经是好好既一个例子啦,是米? 帆,无论我地以后大家既路点走,无论我地会各自去到边个国家学习同生活都好,我地都是大家心中最亲切,最好既朋友! 帆,我相信我会好幸福噶,真噶,因为我得到左好多人既祝福!所以,请你也都一样,好好甘争取自己既幸福,对于唔是自己既野就要懂得选择放手!人生会美好好多噶! 4/13/2006 0.00001 他话,对我份感情淡左0.00001哦,甘到底呢0.00001是几多呢??为左呢个问题,今日我同他讲左成个几钟,他话,傻猪,你捻多左啦,甘我地甘耐无见,自然会淡少少噶啦!而且呢个是过程来噶!我捻,甘到底呢件是好事定是坏事呢?
我真是好惊啊,可能,呢段时间有个朋友同她男朋友之间突然出现左问题,所以唔多唔少都有影响到我啦.寻晚为左开解我呢个朋友,成2点9先落网,虽然寻晚都几累,不过我觉得是值得噶,因为朋友唔开心应该去安慰她!虽然我未必真是可以帮到她D咩,但是起码都可以有个比她抒发情绪既人听她讲野,等她唔好压抑自己心情!所以我好自然同他倾电话时问到他呢个问题,你而家仲有无以前甘爱我啊?他笑住甘答我:"话一样都是呃你噶啦,甘就梗是淡左少少噶啦,不过是少少姐."我问:"少少??即是几多啊??""米好似以前我一个礼拜7日都挂住你,而家就6日半挂住你咯!以前是99.99999%爱你,而家米99.99998咯!"乜感情都可以精确到小数点后甘多位噶咩??我真是唔明,但是我好明白,他无变到,听到他既语气同平时一样,我知他都仲是好爱我!我个FRIEND话,你捻太多了,太多余啦!或者啦,不过,其实是因为拥有先会害怕失去!甘拥有又是米一件好事呢?如果拥有左三年之后失去会唔会太伤呢?我捻如果我失去他既话,我捻我要用三年既时间去平复,7年感情用三年时间平复对于我来讲已经好好噶啦!不过我希望我永远都唔会失去他!
人真是好怪,当你无既时候你会好想去拥有,但,当你有既时候,你又会捻我咩时候会失去!明明好似捉得好实,但是转眼间又突然失去了!
其实FEEL真是一种好飘渺既野,根本就无实体,你捉唔住,但是,要来既时候又挡唔到!
就算而家,我好似捉住左甘,其实我都担心有朝一日都会失去!
希望她可以快D复原,可以稳到果更好既男仔,真是珍惜自己,爱锡自己既男仔!我衷心祝福我呢位好朋友,以后幸福,快乐! 4/11/2006 爱,唔需要理由! 我问他:"你究竟我爱D咩野啊?"然后他停一停,大概几秒啦,"真是唔知哦!""边有唔知噶,肯定有原因噶!"我发脾气.他好无奈:"点知哦,爱就爱噶啦,甘你又爱我D咩野啊?""......"我无语!
捻深D,真是唔知爱他D咩哦,净是知道我真是好爱他咋,如果真是要捻原因既话,就只可以话,爱,是唔需要理由噶!
不知不觉我地已经一齐7年啦,人人都话有7年之痒,不过,好好彩,仲未系我地身上体现到,大概我地分开两地既缘故吧!有时见到人地男朋友会系QQ同MSN留言,对自己女朋友讲D好深情既说话,觉得好感动,心捻,几时我果个他都会甘做呢?
不过,原来,爱,真是唔需要分分钟讲出口噶,两个人心灵相通既话,就一定可以FEEL到对方既心意!可以知道对方心中有彼此就已经好满足了!虽然分隔两地,不过,我地依然好清楚大家捻既事,我捻,总好过有D人日日对住,但是都唔知大家捻D咩啊!
如果爱一个人你可以讲出爱他D咩既话,甘可能,你对他呢份感情仲未入心,因为,只有真正包容对方既优点同缺点,先叫爱!
上一个论坛度看人地既帖,有个人发帖问,他同女朋友发生关系之后,发觉女朋友唔是处女,个心好乱,问,他应唔应该飞左她,定是继续一起?看完之后,我真是好嬲呢个男人,他根本唔配做一个男人,呢D野都好罗出来询问大家既意见既??如果我是他女朋友,看到呢段话既话,我会毫不犹豫甘飞左他!他究竟爱对方个人定块处女膜都未搞清,有咩资格讲恋爱呢??我讨厌呢D人,呢D唔尊重自己女朋友既人!
好耐无上来啦,今晚温习温到甘夜,应该本来呀训噶啦,不过,突然间心入面有D野想讲啊,所以就上来啦!
仲有一个月他就生日啦,送咩比他好呢??就送......呵呵! 3/16/2006 香水＠ 今年收到三支香水做礼物，ＣＨＡＮＮＥＬ啦，ＣＫ ＯＮＥ啦，ＧＵＣＣＩ啦，三支我都好中意啊，好开心啊！香水是成长既象征，我是如此认为的！一个唔用香水既女仔（人）就好似唔加奶既奶茶，淡而无味！女人身上若隐若现既香味会令她更加吸引！
结婚啦? 闻言好朋友肥婆话要结婚了,仲要快到8月份或9月份就摆酒啦.太快了吧?如果唔熟她既人一定以为她是奉子成婚啊!不过听闻她未来奶奶好心急要她个仔结婚,应该是恨抱孙了挂.甘又是,老人家,退休系屋企无野做自然是想呢样野噶啦!既然是甘,我要准备下人情啦,毕竟是好朋友结婚啊嘛!
好开心啊,因为可以做姐妹啊,甘大个女第一次咋,我捻呢应该好好玩!
我好似懒左好多啊,咩都唔想做,咩都唔想理,不过其实我有为9月份既公共英语四级准备噶,但是我捻我应该赶唔切考啊,因为如果他翻来果个几月我捻我都无心机温习噶啦,无所谓啦,9月唔考米下年3月考咯,呢个不失为一个懒人既借口,呵呵!
生活应该是点样?
每人都有不同既人生,山贼话我好幸运,因为我遇到他,我捻,应该都可以甘讲!但是或者呢D是他前世欠我,今世还呢!
而家有个好得意既现象,我职中班女朋友,而家时不时,大概隔一两个礼拜就会约出来吃饭或者娱乐,已经慢慢成为习惯了,出到来听住她地讲自己既野,觉得真是大个啦,有人甚至要嫁人啦,不过还好,呢班朋友感情大家都无变!不过,随住我地越来越大,呢种机会,可以会越来越少啦,因为当你有个家庭既时候,就未必有时间噶啦!而且过多几年,大家既机遇唔同,好可能会各散东西,各有各忙啦!
今日唔太舒服, 个人无咩精神...... 3/9/2006 身体健康啊．．．．．． 寻日阿婆入左院啊，开头以为是中风，因为她有半边身唔郁得，但是今日听妈妈讲，看Ｘ光又唔似，原因都未稳到！寻日去探阿婆果阵时，她神智好清醒，可以分辨都每个人，只是行动唔多方便，连大小二便都唔可以自理！难怪，老人家都已经７５岁了，人真是越老就越多病痛，看动她甘既样，个心都好难受，尤其是公公，成８０岁人，我真是好担心他！希望两老都身体健康，平安甘过日子！
医院有个大眼既男仔尤其令我觉得难过，第一眼见他，他个样好似女仔，眼大大，不过可能经过治疗，他Ｄ头发已经得番好少好少，我开头真是以为他是女仔来噶，因为他只眼真是好靓，好大，只不过，已经比病魔折磨到无晒神了！后尾问左Ｄ护士，原来呢个男仔得７岁，０５年１０月份已经入住，是心衰啊！我看住他打针，讲真，看到支针，可能连我呢个甘大个人都会惊，不过呢个小朋友已经惯晒了，他只手真是好多针眼啊．．．．．．
７岁已经开始要受呢种折磨，点解呢？莫非他前一世做错事要今世来受惩罚？但是个天点解唔比多Ｄ时间他，等他大个之后先来惩罚他呢？有时真是好唔明上帝，既然他创造得人呢种动物出来，点解又要他地受甘多病痛同折磨呢？点解他唔可以比每一个好人（坏人应该有惩罚）都安安乐乐甘过一世呢？我唔是上帝，所以我永远都无法解答自己呢Ｄ问题，我捻，可能连上帝自己都解答唔到！我真是好希望果男仔可以好翻，跟住以后都开开心心！
什么都可以无就是唔可以无钱，什么都可以有就是唔可以有病！我捻呢句甘通俗既说话都蕴涵左好都人既心声，包括我！
所以我希望我身边所有对我好既人都平安，健康，快乐甘过一世，当然最重要既是我亲爱既爸爸同妈妈啦！然后呢就是他同他爸爸妈妈啦！总之，每个人都要身体健康啊．．．．．． |
|
|
